Almatyda qalanyń mádenı murasyna arnalǵan ǵylymı konferentsııa ótedi
ALMATY. 5 jeltoqsan. QazAqparat /Názıra Eleýhan/ - Almaty qalasy ákimdiginde jeltoqsannyń 6-sy kúni «Almaty qalasynyń mádenı murasy» atty qalalyq ǵylymı konferentsııa ótedi.
Mádenıet basqarmasynyń uıymdastyrýymen ótetin konferentsııanyń jumysyna Almatynyń jetekshi ǵalymdary, tanymal mádenıet jáne ǵylym qaıratkerleri, qalamyzdyń kitaphana, muraǵat jáne murajaı salasynyń ókilderi qatysady.
Konferentsııa barysynda Almaty qalasy tarıhynyń josparly zertteý nátıjeleri men arheologııalyq qazba jumys materıaldary usynylatyn bolady. Sondaı-aq, «Mádenı mura» qalalyq baǵdarlamasy aıasynda sońǵy jyldarda jaryq kórgen kitaptar men qaıta jańǵyrtylǵan murajaı jádigerleri kórsetiletin bolady.
"Almaty - Jibek joly boıyndaǵy sırek kezdesetin, eń kóne jáne tarıhy baı, halqymyzdyń ótken tarıhymen, qoǵam men memlekettiń damýymen baılanysty ár túrli dáýirlerdiń, taıpalar men halyqtardyń mádenı murasyn saqtaýshy qala bolyp esepteledi. Bul másele shaharymyzdyń tarıhı-mádenı murasyn saqtaý men baǵalaýdy mindetteıdi",-deıdi sharanyń uıymdastyrýshylary.
