Almatyda qalanyń qurmetti azamattaryna QR Konstıtýtsııasynyń mereıtoılyq medali tabys etildi

ALMATY. QazAqparat - Almatyda el táýelsizdiginiń nyǵaıýyna, ekonomıkanyń damýyna jáne qoǵamdyq turaqtylyqtyń ornaýyna erekshe úles qosqan qalanyń qurmetti azamattaryna «Qazaqstan Konstıtýtsııasyna 20 jyl» mereıtoılyq medali tabys etildi.

Atap aıtqanda, Almaty qalasy Almaly aýdanynyń ákimi Serik Qusaıynov osy aýdanda turatyn bir top azamattardy mereıtoılyq medalmen marapattady. Bul týraly aýdan ákiminiń baspasóz qyzmetinen habarlady. "Qazaqstan Respýblıkasynyń Konstıtýtsııasyna 20 jyl" medalimen marapattalǵandardyń ishinde memlekettik qyzmetkerler, kásipkerler, qoǵamdyq qaıratkerler jáne zııaly qaýym ókilderi bar.

Buǵan deıin habarlaǵanymyzdaı, QR Prezıdenti N. Á. Nazarbaevtyń Jarlyǵymen qala men elimizdiń damýyna erekshe úles qosqan 600-deı almatylyq osy marapatqa ıe bolǵan edi. Olardyń kópshiligine bul mereıtoılyq medaldy qala ákimi Baýyrjan Baıbek 28-shi tamyzda ótken saltanatty jıynda tabys etti.