Almatyda qalanyń kommýnaldyq qyzmetiniń avtoparki jańartyldy
ASTANA. QazAqparat - Qalanyń kommýnaldyq qyzmetiniń avtoparki jańa ekskavatorlarmen, avtokrandarmen, samosvaldarmen jáne basqa da arnaıy mashınalarmen jańartyldy, olardyń bir bóligi Qazaqstanda shyǵarylǵan ári suıytylǵan tabıǵı gazben jumys isteıdi, dep habarlaıdy Almaty qalasy ákimdiginiń baspasóz qyzmeti.
«Almaty Jylý jelisi» JShS-niń avtoparki 200 tehnıka birliginen turady, 30%ǵa jańardy, ıaǵnı 630 mln. teńgege 61 arnaıy tehnıka birligi alyndy. Qatqyl turmystyq qaldyqtardy jınaıtyn ári syrtqa shyǵaratyn «Tártip» AQ-nyń avtoparki de 32 jańa tehnıka birligine ıe boldy.
Jańa tehnıka Almatynyń jylý júıesiniń turaqty jumys isteýin qamtamasyz etip, qysqa merzim işinde josparly jóndeý jumystaryn júrgizýge, oqys jaǵdaılar bolǵan kezde máseleni jedel túrde sheshýge múmkindik beredi. Atap óterlik jaıt, «AlTS» avtoparkinde alǵashqy assenızator da paıda boldy, sonyń arqasynda ystyq sýdy sorý kezinde apatty jaǵdaıdyń ýaqytyn 15%-ǵa qysqartady.
Jyljymaly apatty zerthanalar barynsha únemdi ári tolyq jabdyqtalǵan. Munda mınıelektrostantsııa, dánekerleýshi agregat, nasosty qondyrǵy syndy ınventarlar jetkilikti, ol Euro 4 standartty benzınimen júredi, suıytylǵan gazdy da paıdalanýǵa bolady, barynsha jiti qımyldaıdy jáne kósheler men aýlalardaǵy qubyrlardyń kemshilikterin tez tabady jáne jóndeıdi.
Barlyq tehnıka GPS-navıgatorymen jabdyqtalǵan. Bul táýliktik keste barysynda aqaý bolǵan jerdi tez anyqtaýǵa jáne shaqyrylǵan mekenge jedel jetýge múmkindik beredi.
Búgingi kúni megapolıstiń jylý jelisiniń uzyndyǵy 1200 km, olarǵa 53 kóshpeli brıgada qyzmet kórsetedi. Biryńǵaı dıspetcherlik qyzmet (109) apatty qyzmettiń jumys jedeldigin arttyrdy, qalalyqtarǵa qyzmet kórsetý servısin jaqsartty. Jalpy, sońǵy bes jyl ishinde qalada 125 km jylý jelisi qaıta jasaldy, sonyń arqasynda apatty 15%-ǵa, tehnıkalyq shyǵyndy 7%-ǵa qysqartýǵa qol jetti.
Turmystyq qtatqyl qaldyqtardy jınaıtyn jáne shyǵaratyn «Tártip» AQ-nyń avtoparki de 32 jańa tehnıka birligimen jańartyldy. Investıtsııa quny 581 mln. teńge.
