Almatyda qalanyń baǵyttyq jelilerin damytýǵa arnalǵan onlaın konferentsııa ótedi
ALMATY. 10 qańtar. QazAqparat /Názıra Eleýhan/ - Almatyda qańtardyń 12-i kúni saǵat 15.00 den 17.00-ge deıin «Tsentr tıajestı» www.ct.kz forýmynda,
sonymen qatar Almaty qalasynyń www.almaty.kz resmı ınternet-portalynda «Almaty qalasynyń baǵyttyq jelilerin damytý» taqyrybynda onlaın konferentsııa ótedi. Bul týraly Almaty qalasy ákiminiń baspasóz qyzmeti habarlaıdy.
Konferentsııa qonaqtary retinde Kólik jáne kommýnıkatsııa ǵylymı-zertteý ınstıtýtynyń vıtse-prezıdenti Aleksandr Bogdanchıkov, Kólik jáne kommýnıkatsııa ǵylymı-zertteý ınstıtýty dırektorynyń orynbasary Baıbolat Baımahambet qatysady.
Ár almatylyq qoǵamdyq kóliktiń baǵyttar jelisin ońtaılandyrý jónindegi usynystaryyn niitk@niitk.kz elektrondy meken-jaıǵa jibere alady.
Esterińizge sala ketsek, Kólik jáne kommýnıkatsııa ǵylymı-zertteý ınstıtýty qalanyń jol-kólik júıesin ońtaılandyrý maqsatynda zertteý jumystaryn júrgizedi. Zertteý jumysynyń basty maqsaty - qazirgi kólik baǵyttary men jolaýshylar aýqymyn anyqtaý, kólik baǵyttaryn ońtaılandyrýdyń mańyzy, qoǵamdyq kóliktiń ınfraqurylymyn zertteý, jolaýshylardy tasymaldaýmen aınalysatyndardyń óndiristik qýatyn anyqtaý, qoǵamdyq kólik ınfraqurylymyn damytý men jetildirý baǵyttaryn belgileý.
