Almatyda «Qalamymnan saǵynyshym syrǵanap...» degen kesh ótedi

Ony joǵary oqý ornynyń rektory  Serik Pirálıevtiń  qoldaýymen Magıstratýra jáne PhD doktorantýra ınstıtýtynyń dırektoraty uıymdastyryp otyr.

  A. Haýtaıqyzy 1990 jyly 29 qańtarda Mońǵolııanyń Qobda aımaǵynda dúnıege kelip,  2007 jyly  Baıan-Ólgeı aımaǵynyń № 5 aǵa mektebin altyn medalmen bitirip shyqty.  Tórt jasqa jetpeı hat tanyǵan ol 1 synypta «Álippe sańlaǵy» atanady. Al  2006 jyly «Jyldyń tańdaýly oqýshysy», 2007 jyly Mońǵolııanyń klassık jazýshysy D.Natsagdorj atyndaǵy «Ozat oqyrman»,  «Sańlaq oqýshy» medaldarymen marapattalyp,  aımaqaralyq Naýryzbıke saıysynda 3 oryn alady.  2003, 2005, 2006, 2007 jyldary qazaq tili men ádebıeti páninen Baıagen-Ólgeıde ótken aımaqaralyq olımpıadalarda І oryn,  qazaq tili men ádebıeti páninen  halyqaralyq jarysta  2005 jyly 3-oryn, 2006 jyly 1-oryn, 2007 jyly Gran-Prıdi jeńip aldy. Sondaı-aq Taldyqorǵandaǵy pándik olımpıadada da Bas  júldeni ıelenip, Astana qalasyndaǵy «Daryn» memlekettik ǵylymı-tájirıbelik  ortalyǵynyń qoldaýymen memlekettik grantty jeńip alyp, Abaı atyndaǵy QazUPÝ-ge oqýǵa túsip, 2011 jyly támamdap shyqty.

 Óleń jazýdy 9 jasynan bastaǵan onyń eń alǵashqy óleńderi  aımaqtyq «Sana» gazetine basylǵan kórinedi. 2004 jyly ustazy Erkejan Tábárakqyzy oǵan sát sapar tilegen maqalasy Baıan-Ólgeı aımaqtyq «Parasat» gazetine shyǵady.  Al  2007 jyly aımaqtyq «Shuǵyla» jýrnalynda «Kóz jasy kók aspannyń tamshylaıdy...» atty toptama óleńderi jaryq kóredi. Onyń óleńderi qazir Mońǵolııa men Qazaqstannyń «Bilim kókjıegi», «Abaı ýnıversıteti», «Túrki álemi», «Jas qazaq úni», «Qazaq ádebıeti», «Egemen Qazaqstan» sııaqty gazetteri men «Ýnıver», «Úrker», «Altyn besik»  jýrnaldarynda basylyp júr. Jas aqyn túrli jyl músháıralarynda da árdaıym júldeli bolyp, óz oqyrmanyn qýantýda. Atap aıtqanda 2005 jyly Baıan-Ólgeıdegi aımaqtyq músháırada, 2010 jyly Almatydaǵy «Poezııaǵa kóktem keldi» atty qalalyq músháırada jáne  Baıan-Ólgeı aımaǵynyń 70 jyldyq mereıtoıyna arnalǵan jyr músháıralarynda bas júldelerdi ıelendi.  2007 jyly Baıan-Ólgeıdiń aımaqtyq oqýshylar arasyndaǵy músháırada, 2010 jyly  Astanadaǵy «Týǵan tilim - tuǵyrym» dep atalatyn  halyqaralyq jyr músháırasynda 2 oryn aldy.  Sonymen qatar 2008 jyly M.Jumabaevtyń 115 jyldyǵyna oraı «Qaınar» ýnıversıtetinde ótken músháırada 3 oryn, 2011 jyly Pavlodar qalasynda ótken jas qalamgerlerdiń «Táýelsizdik tuǵyry» atty El Táýelsizdiginiń 20 jyldyǵyna arnalǵan festıvalinde Qadyr Myrzalıev atyndaǵy syılyqtyń ıegeri atandy. Sonymen qatar festıval qorytyndysy boıynsha Altynshapaqtyń «Qalamymnan saǵynyshym syrǵanap...» atty 7 baspa tabaqtyq  jyr jınaǵy memlekettik tapsyrysqa engizildi. Ol 2013 jyly «Jalyn» baspasynan 2  myń dana taralymmen jaryq kóredi dep josparlanyp otyr.