Almatyda qalalyq sýmen jabdyqtaý kásipornyna 120 mln teńge aıyppul salyndy

ALMATY. QazAqparat- Almaty qalalyq «Vodsnab qalalyq sý qubyry» kásipornyna 120 mln teńge aıyppul salyndy. Bul týraly Erbolat Dosaev Bostandyq aýdany turǵyndarymen kezdesýinde aıtty, dep habarlaıdy QazAqparat tilshisi.

«Elektrmen jabdyqtaý, sýmen qamtý jáne sý burý qyzmetterin sapasyz kórsetýge qatysty aıtsam, «Ermensaı» shaǵynaýdanynyń turǵyndaryna «Gorodskoe predprııatıe vodosnabjenııa Vodsnab» JShS-niń (burynǵy «Orhan» JShS) uzyndyǵy 4,2 km elektr jelisin qalanyń balansyna óteýsiz berý týraly sheshim qabyldandy. Kompanııaǵa ózine 120 mln teńge aıyppul salyndy», - dedi ákim Erbolat Dosaev.

Sonymen qatar, ol Bostandyq aýdanynda 25 shaqyrym ınjenerlik jeliler qaıta jańartylatynyn atap ótti.

«Bostandyq aýdanynyń turǵyndaryna kommýnaldyq qyzmet kórsetý sapasy jaqsarady. 6 shaqyrymnan astam sý qubyry jelisi men 0,9 km jylý trassasy rekonstrýktsııalanady, 16,5 km joǵary voltty elektr kabel jelisi men 1,5 km jerasty gaz qubyry jóndeledi»,- dedi ol.

Bıyl maýsym aıynan bastap 2024 jyldyń sáýirine deıin aýdanǵa qosylǵan aýmaqtardaǵy 47,2 km elektr jelisi jańartylady. Bul 150 myńǵa jýyq turǵyndy sapaly sýmen jáne jylýmen qamtamasyz etýge múmkindik beredi.