Almatyda qalalyq senbilik ótip jatyr
ALMATY. 9 sáýir. QazAqparat /Názıra Eleýhan/ - Búgin Almaty qalasynyń barlyq aýdandarynda senbilik ótip jatyr. Oǵan 200 myńnan asa adam qatysýda.
Senbilikke Almatydaǵy barlyq JOO, orta jáne arnaıy oqý oryndarynyń stýdentteri men mektep oqýshylary, zańdy tulǵalar men kommýnaldyq qyzmet oryndary, bıýdjettik uıymdar men mekemelerdiń qyzmetkeleri jumyldyrylǵan.
Senbilik barysynda qala kósheleri, aýla aýmaqtary, aryqtar men ózen jaǵalaýlary, ortaq paıdalanystaǵy oryndar, aryq jelileri, bos jatqan jerler men jasyl alqaptar, sý qoımalary men ózen ańǵarlaryna sanıtarlyq tazartý jumystary júrgiziledi. Ákimdikter senbilikke qatysýshylarǵa qajetti qural-saımandardy, qaptar men jınalǵan qoqystardy tıeıtin arnaıy kólikterdi bólgen. Qala boıynsha qoqys shyǵaratyn 300 kólik tartylǵan. Tazalyq jumystarynyń árbir aımaqta aýdandyq ákimshilikter ókilderiniń qadaǵalaýymen tolyqqandy júrgizilýde. Tústen keıin jınalǵan qoqystar arnaıy tehnıkalar kómegimen qala syrtyndaǵy polıgondarǵa shyǵarylady.
Shara barysynda, qalanyń estetıkalyq kelbetine de erekshe nazar aýdarylmaq. ıAǵnı, aǵashtar aqtalyp, ǵımarattardyń syrt jaǵy, qorshaýlar men tireýler, oryndyqtar men jarnamalyq taqtaıshalar syrlanatyn bolady.
Almaty ákimshiligi qala turǵyndaryn óz aýlalaryn jınastyrýǵa shyǵýdy suraıdy.
