Almatyda qalalyq senbilik keıinge shegerildi
ALMATY. QazAqparat - Almatyda jalpyqalalyq senbilik keıinge aýystyryldy, dep habarlaıdy QazAqparat tilshisi.
Almaty qalasynyń ákimdigi jalpyqalalyq senbilikti keıinge shegerdi.
«19 naýryzǵa josparlanǵan jalpyqalalyq senbilik aýa raıynyń nasharlaýy, ıaǵnı, aýa temperatýrasynyń tómendeýi jáne kútiletin jaýyn-shashynnyń saldarynan keıinge aýystyryldy. Aldaǵy ýaqytta senbiliktiń ótetin kúni men ýaqyty qosymsha habarlanatyn bolady»,- delinedi ákimdiktiń habarlamasynda.
Eske salsaq, buǵan deıin qalalyq ákimdik 19 naýryzda Birge – taza Qazaqstan respýblıkalyq aktsııasy aıasynda jalpyqalalyq senbilik ótetinin jarııalaǵan edi.
