Almatyda qalalyq prokýratýra basshysynyń qatysýymen avtopark ókilderine qatysty májilis ótti
ALMATY. Qazannyń 27-si. QazAqparat /Ádilet Musahaev/ - Almatyda qalalyq prokýratýra basshysy A. Estaevtyń qatysýymen Úılestirý keńesiniń otyrysy ótti,
dep habarlaıdy QazAqparat.
Jıynda Almaty qalasy boıynsha adam tasymaldaý qaýipsizdiginiń máseleleri talqylandy.
«Avtokásiporyndardyń qyzmettik tulǵalarmen shartqa otyryp jalǵa bergen kólikteriniń «QR Jol qaýipsizdik erejesin» oryndamaýy, kólikterdiń jolǵa shyǵar aldyndaǵy medıtsınalyq, tehnıkalyq baqylaýdan ótpeıtini anyqtaldy. Sondaı-aq Almatyda turaqty qonysy bolmaǵandyqtan kólik júrgizýshileri avtobýsta tamaqtanýǵa jáne qonýǵa májbúr, al kólik jóndeýdi kósheler men turǵyn úılerdiń aldynda júzege asyrady. Jol qozǵalysy erejesin óreskel buzǵany úshin 65 avtobýs arnaıy aıypturaǵyna qoıyldy, baǵyttaǵy avtobýstardyń tıisti qujattary bolmaǵan 80 faktisi anyqtaldy. Sonymen qatar, avtobýs júrgizýshileriniń kinásinen 67 oqıǵa oryn alǵan. Jol apaty saldarynan 3 adam qaza taýyp, 77 adam jaraqat alyp, 35 adam salon ishinde qulap zaqymdanǵan», dedi keńeste Almaty qalasy ІІD basshysy Arman Sarbasov.
