Almatyda qalalyq «Orhan» JShS sýmen jabdyqtaý kásipornyna qatysty qylmystyq is qozǵaldy – Dosaev
ALMATY. QazAqparat- Almaty ákimi Erbolat Dosaev Bostandyq aýdanynyń turǵyndarymen kezdesýinde aýdannyń ózekti máseleleriniń biri – yqshamaýdandy jaryq jáne sýmen qamtamasyz etý qyzmetteriniń sapasyz ekenin aıtty, dep habarlaıdy QazAqparat tilshisi.
Erbolat Dosaevtyń aıtýynsha, «Ermensaı» JShS, qalalyq sýmen jabdyqtaý kásiporny «Vodsnab» dep atalady. Buryn bul kásiporyn «Orhan» JShS dep ataldy. 20 maýsymda Bostandyq aýdandyq polıtsııa basqarmasy kásiporynnyń zańsyz áreketi faktisi boıynsha qylmystyq is tirkedi.
«Ol óz ataýyn jıi ózgertedi. Osy jyldyń naýryz aıynda júrgizilgen tekserýlerdiń nátıjesinde tabıǵı monopolııalardy retteý komıtetiniń departamenti osy kásiporynnyń qyzmetinde buzýshylyqtardy anyqtady. Tıisinshe 120 mln teńge kóleminde aıyppul salyndy»,- dedi ol.
Erbolat Dosaev ákimdik júrgizgen kelissózderden keıin 26 maýsymnan bastap 4,4 shaqyrym áýe elektr jelisin qala balansyna berý jumystary júrgizilip jatqanyn atap ótti. Aıaqtaý 2023 jyldyń tamyzyna josparlanǵan.
Joǵaryda atalǵan aýmaqta sý tapshylyǵy birneshe jyldan beri jalǵasyp keledi. Erbolat Dosaevtyń kelýimen Almaty ákimdigi «Orhan» JShS-ne qatysty sot isin qaıta bastaý týraly bastama kóterdi. Biraq ınjenerlik kommýnıkatsııalardy qala balansyna óteýsiz berý isi áli de jalǵasýda.
Tabıǵı monopolııalar týraly Zańnyń 11-babynyń 6-tarmaǵynda jazylǵan quqyqty paıdalana otyryp, Kásiporyn tirkeý ornyn Almatydan Almaty oblysy men Astanaǵa turaqty túrde ózgertedi. Osylaısha, «Orhan» JShS baqylaý jáne quqyq qorǵaý organdarymen ózara is-qımyldan qashady.
