Almatyda qalalyq máslıhatqa qosymsha saılaý ótip jatyr
ALMATY. QazAqparat - Búgin Almatydaǵy qalalyq máslıhatqa №25, №34 jáne №36 saılaý okrýgteri boıynsha shyǵyp ketken úsh depýtatty tańdaý úshin qosymsha saılaý ótip jatyr, dep habarlaıdy QazAqparat.
Saılaýǵa barlyǵy 9 kandıdat qatysýda. Olar - «Nur Otan» partııasynyń úsh ókili jáne óz kandıdatýrasyn usynǵan alty azamat.
Túrksib aýdanynda 36-shy okrýg boıynsha daýys berý 13 ýchaskede júrgizilip jatyr. Kandıdattar: Djegýrda Borıs Valerevıch, Mustafaev Sııavýsh Ashırdınovıch jáne Grachev Mıhaıl Vladımırovıch.
«Men 36-shy okrýgte baqylaýshymyn. Saılaý qalypty ótip jatyr, turǵyndar tańerteńnen beri kelip júr. Keıbireýleri kandıdattarmen kezdesip úlgergen. Sondyqtan, kimge daýys beretinin bilip kelgen. Keıbireýler stendterden oqyp, kandıdattardyń ómirbaıanymen, saılaýaldy baǵdarlamasymen tanysyp, daýys berýde. Meniń aýdanymdaǵy kóptegen belsendi turǵyndar men kórshilerdi kórgenime óte qýanyshtymyn», - dep atap ótti okrýg turǵyny Saıda Ázızova.
34-shi saılaý okrýgi boıynsha 15 ýchaskede daýys berip jatyr. Depýtattyq mandatqa Daerbaev Stepan ıÝrevıch, Ahmetova Gúlnas Kenjetaıqyzy jáne Lapshına Lıazzat Maıkenqyzy úmitker.
«Biz qalamyzdyń jaqsy jaǵyna ózgerip jatqanyn kórip otyrmyz. Qalada jaıaý júrý unaıdy. Birinshi Almaty qazir tanymastaı ózgerdi. Túrksib aýdanynyń turǵyny retinde men úshin aýdanymyzdyń damýy men abattandyrylýyna kim úles qosatyny mańyzdy. Sondyqtan kórshilerimizben birge kelip, óz kandıdatymyzǵa daýys berdik», - dep bólisti pikirimen Lıýbov Plotnıkova.
Jetisý aýdanynda 25-shi okrýg boıynsha daýys berý 12 ýchaskede ótýde. Okrýg boıynsha kandıdattar: Chılıkbaev Ashat Qashqynbaıuly, Kýzmenko Sergeı Nıkolaevıch jáne ıÝldasheva Jumagúl Kamılqyzy.
«Men máslıhat depýtatyn saılaýǵa únemi qatysamyn, sebebi aýdan problemalarynyń sheshilýi bizdiń tańdaýymyzǵa baılanysty ekenin túsinemin. Men kandıdattarmen kezdesýge birneshe ret baryp, tolǵandyryp júrgen suraqtarymdy qoıdym jáne óz tańdaýymdy jasadym», - deıdi Jetisý aýdanynyń turǵyny Gúlzat Begimbekova.
