Almatyda qalalyq Qazaqstan halqy assambleıasynyń XVI sessııasy ótti
Jıyndy qala ákiminiń orynbasary, qalalyq QHA tóraǵasynyń orynbasary Serik Seıdýmanov ashty. Óz sózinde ol Assambleıanyń memlekettimizdegi ulttyq saıasattyń mańyzdy bóligi ekendigin atap ótti. Sondaı-aq ol bıylǵy jyldyń táýelsiz el tarıhyndaǵy eń erekshe jyl bolǵandyǵyna toqtaldy. «EQYU sammıti men Astana deklaratsııasynyń qabyldanýy Qazaqstan tóraǵalyǵynyń tabysty ótkendiginiń qorytyndysy. Deklaratsııa Elbasynyń bedeli arqasynda delegatsııalar arasyndaǵy kelispeýshilikter men túrli kózqarastarǵa qaramastan qabyldandy», - dedi qala ákiminń orynbasary. Ol sondaı-aq assambleıa múshelerine aldaǵy jyldyń da mańyzdy oqıǵalarǵa toly ekendigin atap ótti. «Eń basty mindet - qysqy Azııa oıyndaryn tabysty ótkizý»,- dedi ol.
Otyrys barysynda qalalyq daǵystandyqtar qaýymdastyǵynyń tóraǵasy Mýsannıp Ývaıysov pen qalalyq orys qaýymdastyǵynyń tóraǵasy Vsevolod Lýkashevtiń esebi tyńdaldy. Sondaı-aq assambleıa quramyna jańa múshelerdi qabyldaý, tóraǵanyń eki jańa orynbasaryn saılaý máseleleri talqylandy.
