Almatyda qalalyq basqarmanyń basshysy óziniń «ustalǵandyǵy» týraly qaýesetke qatysty pikir bildirdi
«Qylmystyq isti sybaılas jemqorlyqqa qarsy qyzmet qozǵaǵan, biraq ol maǵan qatysty emes, ishki memlekettik aýdıt departamentiniń tekserý nátıjeleri boıynsha qozǵalǵan. Qazir tergeý amaldary júrgizilip jatyr. Ol aıaqtalýǵa jaqyn qaldy dep oılaımyn. Biraq men bul iste kúdikti emespin, ustalǵan joqpyn, bul iske esh qatysym joq. Buqaralyq aqparat quraldarynda taratylǵan aqparat shyndyqqa janaspaıdy», - dedi Sapar Nurashev.
Ol jýralısterdiń «ózin ustalǵany týraly aqparat taratqan sybaılas jemqorlyqqa qarsy qyzmetti nemese sol adamdy sotqa beresiz be», degen saýalǵa da jaýap berdi.
«Qazir zańgerlermen keńesip jatyrmyn. Árıne, ondaı sheshim bolady. Meniń tarapymnan qandaı da bir reaktsııa bolatyny anyq», - deıdi ol.
Buǵan deıin, Almaty qalasy Jaıly qalalyq orta basqarmasynyń bastyǵy Sapar Nurashevtyń ustalǵany týraly aqparat taraǵan bolatyn.
