Almatyda qalalyq aýylsharýashylyq jármeńkesi ótti
ALMATY. 7 naýryz. QazAqparat /Ádilet Musahaev/ - Keshe Almatydaǵy «Astana» alańynda qalalyq aýylsharýashylyq ónimderi jármeńkesi ótti.
Jármeńkege Almaty oblysynyń 16 aýdany, Taldyqorǵan, Tekeli qalalary, «Jetysý» SPK» AQ jáne Almaty qalasynyń 10-dan astam saýda, óndiris oryndary qatysty.
Jármeńkege qoıylǵan et-sút, jemis-jıdek, balyq jáne basqa da ónimderdiń baǵasy bazardaǵydan 15-20 paıyzǵa tómen.
«Mundaı jármeńkelerdi ótkizý qaladaǵy saýda qaýipsizdigi men Almaty boıynsha ınflıatsııany tómendetýde óte mańyzdy. Sonymen qatar qala jurtshylyǵy negizgi azyq-túlikti qoljetimdi baǵamen alýyna múmkindigi týyp otyr, sondaı-aq Almaty aýylsharýashylyq ónimderin tartatyn naryq bolyp tabylady», -deıdi qala ákimi A.Esimov
Óz ónimderin saýdalaýshylarǵa saýda oryndary tegin berilgen jáne olar jumys jasaý úshin qajetti nárselermen tolyqtaı qamtamasyz etilipti.
