Almatyda qalalyq aqyndar aıtysy ótedi
ALMATY. Qazannyń 30-y. QazAqparat /Názıra Eleýhan/- Almatyda erteń, qazan aıynyń 31-i kúni Jambyl atyndaǵy Memlekettik fılarmonııada «Almaty- táýelsizdigimizdiń altyn besigi» degen taqyryppen qalalyq aqyndar aıtysy ótedi.
Elimizdiń óneri men mádenıetiniń ortalyǵynda ótetin dúbirli dodaǵa Almaty qalasynda turatyn, osynda eńbek etip, bilim alyp jatqan 12 aqyn qatysady.
Aıtystyń basty maqsaty - Astana qalasynda ótkiziletin respýblıkalyq aqyndar aıtysyna joldama alatyn aqyndardy irikteý.
Aıtysqa fılologııa ǵylymdarynyń doktory, professor Seıit Qasqabasov bastaǵan aqyn-jazýshylar jáne qalalyq mádenıet basqarmasy ókilderi qazylyq jasaıdy. Aıtysty osy ónerdiń janashyry Júrsin Erman júrgizedi.
Júrsin Ermannyń aıtýynsha, aıtystyń kózdeıtin maqsaty - aıtys ónerin mádenıetimizdiń baǵa jetpes asyl murasy retinde halyqqa pash ete otyryp, onyń memlekettik deńgeıde damýyna qoldaý kórsetý, eldegi halyqtar dostyǵyn, bereke-birlikti jáne saıası turaqtylyqty dáripteý, talantty, daryndy jas aqyndardyń kópshilikke tanylýyna múmkindik jasaý, sheberlikteriniń shyńdalýyna yqpal etý, aıtys ónerin odan ári damyta otyryp, bolashaq urpaqqa jetkizý.
