Almatyda qalada júrýge berilgen ruqsat merzimi 20 sáýirge deıin sozyldy
ALMATY. QazAqparat – Almatyda munyń aldynda berilgen qalada júrip turýǵa ruqsat beretin qujattardyń merzimi 20 sáýirge deıin jaramdy bolady, dep habarlaıdy QazAqparat tilshisi.
Qala bıligi habarlaǵandaı, Tótenshe jaǵdaı men kúsheıtilgen rejim kezinde qalanyń tirshiligine jaýapty keıbir uıymdar men kásiporyndardyń qyzmetkerlerine qalada júrip turýyna 16 sáýirge deıin ruqsat berilgen bolatyn.
Osy maqsatta qalada arnaıy portal ashylǵanyn qala ákiminiń orynbasary Saparbek Tuıaqbaev málimdegen bolatyn.
Aqparat portalynda buryn ruqsat berilgen qujattardyń merzimi 20 sáýirge deıin sozylǵany habarlandy.
«Almatyda júrgizýshiler men jeke adamdarǵa qalada júrip turýyna ruqsat alýy úshin barlyq aqparatty osy portalǵa engizý kerek. Nazar aýdaryńyzdar! Munyń aldynda berilgen ruqsat qaǵazdarynyń merzimi 20 sáýirge deıin sozyldy», - dep jazylǵan portalda.
