Almatyda «Qala tynysy» atty fotosýret kórmesi ashylady
ALMATY. Qyrkúıektiń 10-y. QazAqparat /Erbol Azanbek/ - Erteń Almatyda «Qala tynysy» atty fotosýret kórmesi ótedi,
dep habarlaıdy QazAqparat.
«Kórme qalany súıetin barlyq turǵyndarǵa arnalǵan. Osy qalada ár turǵynnyń súıikti demalys oryndary, gúlzarlar, dúkender, meıramhanalar, saýyq oryndary, sonymen qatar súıikti adamdary bar. Kórme jyldar boıy fotosýretshilerdiń túsirgen túrli kórinisterinen turady. Munan árkim ózine jaqyn adamdardyń beınesin, demalys oryndaryn kórýi múmkin», deıdi kórmeni uıymdastyrýshylar. Sharaǵa Larısa Konıýhova, Anastasııa Mastıaeva, Elena Vınnıkova, Móldir Jabyqbaeva, Anna Klaýs, Darıa Shýgaeva syndy fotosýretshilerdiń týyndylary qoıylady.
Kórme Arbat mańyndaǵy «Kofeınıa 4» dámhanasynda ótkiziledi.
