Almatyda qala turǵynynyń 130 myń teńgesin kúshtep tartyp alǵan ońtústik qazaqstandyq tonaýshylar ustaldy
ASTANA. 3 fevralıa. QazAqparat - QR ІІM baspasóz qyzmetiniń habarlaýynsha, Almatyda kóshede ketip bara jatqan azamattardy qarýmen qorqytyp, tonaý isimen aınalysyp júrgen ońtústik qazaqstandyq tonaýshylar ustaldy.
Qoǵamdyq tártipti buzyp, qala turǵyndarynyń ómirine qaýip tóndirgen 20 jastaǵy zań buzýshylardyń ekeýi de OQO-nyń turǵyndary ekendigi anyqtaldy. Polıtsııa qyzmetkerleri zań buzýshylardyń zańsyz áreketterin dáleldeıtin tek bir aıǵaq tapty. Byltyrǵy jyldyń tamyz aıynda tonaýshylar bir er adamǵa tonaý maqsatynda shabýyl jasaǵan. Azamatty tapanshamen qorqyta otyryp, qalanyń kóshesinde turyp-aq óreskeldik jasaýǵa áýestengen qylmyskerler atalǵan tulǵanyń telefony men 130 myń teńge kólemindegi aqshasyn alyp ketken.
Qazirgi tańda zań buzýshylardyń dál osy syndy basqa da áshkerelenbegen qylmystarǵa qatysy anyqtalyp jatyr dep habarlady QR ІІM baspasóz qyzmeti.
