Almatyda qala turǵyndaryn tonaýmen aınalysyp kelgen 4 jigit ustaldy

ALMATY. QazAqparat - Almatyda polıtsııa kisi tonaýmen aınalysqan tórt jigit ustaldy. Olar kóshede ketip bara jatqan adamdardy qorqytyp-úrkitip qundy zattary men aqshasyn tartyp alýmen aınalysyp kelgen, dep habarlaıdy QazAqparat tilshisi.

Qaskóıler qalanyń ortalyq bóliginde áreket etken. ıAǵnı, keshkisin kóshede ketip bara jatqan turǵyndardy qorqytyp-úrkitip, jeke múlkin tartyp alatyn bolǵan. Jábirlenýshiler olardyń ústinen polıtsııaǵa aryz jazdy. Osylaısha jeńil jolmen mol baılyqqa kenelmek bolǵandar ustaldy.

Almaly aýdandyq Polıtsııa basqarmasy bastyǵynyń orynbasary Vladımır Reshetnıkovtyń málimetinshe, tergeý amaldary kezinde olar óz isterin moıyndady. Birqatar epızod boıynsha zattaı aıǵaqtar tárkilendi jáne QR QK-niń 191-baby 2-bóligine sáıkes tergelgen qylmystyq is materıaldaryna qosa berildi.

Aıta keteıik, buryn ustalǵan tórteýdiń eshqaısysynyń da zańǵa qaıshy áreket jasamaǵany anyqtaldy. Olardyń barlyǵy Jambyl oblysynyń týmalary jáne esh jerde jumys istemeıdi.