Almatyda qala men aýyl mádenıetiniń arasyndaǵy aıyrmashylyqtar talqylaýǵa arnalǵan májilis ótedi
ALMATY. Qańtardyń 14-i. QazAqparat /Erlik Erjanuly/ - Almatyda qańtardyń 19-y kúni «Qala mádenıeti men aýyl mádenıeti arasyndaǵy aıyrmashylyqtar» degen taqyrypta «Taǵylym» mádenı-ıntellektýaldyq klýbynyń kezekti otyrysy ótedi,
dep habarlaıdy QazAqparat.
Onda aýyl men qala turǵyndarynyń turmys-tirshiligi men áleýmettik álemi, aýyl men qala jastarynyń psıhologııasy, umytylyp bara jatqan salt-dástúrimizdi, qundylyqtarymyzdy saqtap qalý joldary qaralady. Sondaı-aq bolashaq urpaqtyń boıyna halyq pedagogıkasyn sińire otyryp tárbıeleý, aýyl men qala turatyndarynyń ómir salty jáne taǵy basqa máseleler talqylanady. Bul jıynnyń arnaıy qonaǵy Shyǵys QazaqstanoblysynyńKúrshim aýdany ákimdiginiń ishkisaıasat bóliminiń bastyǵy, Qazaqstannyń mádenıet qaıratkeri Erkin Nurahmetuly Jangýdeev bolmaq.Basqosýǵa Qazaqstan mádenıetiniń jáne ǵylymynyń tańdaýly ókilderi, mádenıettanýshylar jáne ózge de qazaqtyń mádenıetiniń janashyr azamattary qatysady dep josparlanýda.
Mádenı alshaqtyqty rettep bir deńgeıge keltirýdi kózdeıtin bul klýb Mádenı saıasat jáne ónertaný ınstıtýtynyń janynan qurylǵan bolatyn.
Alǵashqy májilisi jeltoqsannyń 22-si ótti. Onda otandyq jáne álemdik mádenıettiń órkendeýin tarıhı retrospektıvti baǵytta talqylaý, ulttyq mádenıetti eýropalyq mádenıetke qasıetti qundylyqtarymyz arqyly tanytý, jahandaný dáýirinde qazaqtyń ulttyq bederin aıshyqtap kórsetip brend qalyptastyrý jáne Qazaqstannyń mádenı saıasatynyń órkenıetter alıansyndaǵy mádenıaralyq dıalogtar úrdisindegi damý baǵyttary talqylanǵan edi. Bul basqosýdyń basty meımany - «Televıdenıe ı radıo» Eýrazııalyq akademııasy Prezıdıýmynyń múshesi, qoǵam qaıratkeri, «Konservator» jýrnalynyń bas redaktory Rýstam Mustafaogly Arıfdjanov boldy.
