Almatyda qala mańyndaǵy aımaqtardy damytýdyń bas jospary tanystyryldy

 dep habarlaıdy QazAqparat ákimdiktiń baspasóz qyzmetine silteme jasap.

Qala ákiminiń tóraǵalyǵymen ótken bul májiliske Almaty men Almaty oblysynyń ákimshilik qyzmetkerleri,  máslıhat depýtattary, qala mańyndaǵy  aımaqtardaǵy qurylystyń barysyn baqylaıtyn memlekettik komıssııanyń  jumys organynyń músheleri qatysty. Olarǵa «Ýrbo Stıl» jobalyq-ókildik fırmasy jasaǵan qala  mańyndaǵy  aımaqtardy damytýdyń bas jospary tanystyryldy. Ahmetjan Smaǵululy, «bul Almaty qalasynyń tarıhyndaǵy eń aýqymdy jobalardyń biri» ekenin aıtyp,  shaharda sońǵy 40 jyldyń ishinde topogeodezııaǵa qatysty  ǵylymı-zertteý jumystary jasalmaǵanyn jetkizdi. Onda Almaty men qala mańyndaǵy  aımaqtardaǵy  barlyq ónerkásip nysandaryna zertteý júrgizilip, qalanyń damýyna baılanysty onyń  syrt  aımaqtarynyń  jańa shekaralary aıqyndalyp otyr. Bul maqsatqa byltyr respýblıkalyq bıýdjetten 950 mıllıon teńge bólingen bolatyn.

Jalpy qala  mańyndaǵy  aımaqtardy damytý josparynyń tujyrymdamasynda: Almaty qalasyn qalyptastyrýdyń ulttyq ıdeıasy, týrızm, ónerkásip aımaqtary, kólik ınfraqurylymy  men jasyl aımaqty qalyptastyrý máseleleri qamtylǵan. Sondaı-aq   bilim, densaýlyq saqtaý jáne taǵy basqa nysandardyń máselesi de qarastyrylyp otyr. Bul jumystardyń aıasynda qala  m ańyndaǵy  aımaqtardaǵy iri eldi mekenderdiń  58 bas jospary jasaldy. Sonymen qatar, jobalyq merzimder belgilendi: iske qosylý merzimi - 2009, aralyq merzimi - 2025, esepteý merzimi - 2035, boljamdy merzimi - 2040 jyl.   Qala  mańyndaǵy  aımaqtardyń jańa shekarasy 15,4 myń sharshy shaqyrymdy quraýda. Oǵan  Almaty oblysynyń Jambyl, Qarasaı, Іle, Talǵar, Eńbekshqazaq aýdandarynyń  bólikteri men Qapshaǵaı qalasynyń ákimshilik aýmaǵy enip otyr.