Almatyda qala mańyna qatynaıtyn avtobýstar jolǵa shyqty
ALMATY. QazAqparat – Almatyda 1 maýsymnan bastap qala syrtyndaǵy aýdandarǵa qatynaıtyn avtobýstar jolǵa shyqty, dep habarlaıdy QazAqparat tilshisi.
«Karantın sharalarynyń jeńildetilýine baılanysty Almaty shekarasyndaǵy blokpostar ashyldy. Sondyqtan, jolaýshylar tasymaly burynǵy jumys rejımine kóshedi. Jumys ýaqyty keshki 21:00-de aıaqtalady»,— dep málimdedi «Almatyelektrotrans» AQ.
Atap aıtqanda, Qaskeleń, Jandosov, Talǵar, Alma arasan shatqalyna shyǵatyn 202, 212, 209, 210 avtobýstar jumysyn qaıta bastaıdy.
Aıta ketý kerek, Almatyda 1 maýsymnan bastap qala syrtyndaǵy blokpostar ashylǵan bolatyn.
Qalalyq PD blokpostarda 2,5 aı boıy qyzmet etken polıtsııa qyzmetkerlerin alǵys hattarmen marapattady.
