Almatyda Qala kúniniń qurmetine buryn-sońdy bolmaǵan «Ańyz» mýltımedıalyq jáne pırotehnıkalyq shoýy ótedi
ALMATY. 14 qyrkúıek. QazAqparat - Almatyda alǵashqy ret 3D-meppıng jáne pırotehnıkanyń úzdik tehnologııalary búgin keshke «Astana» alańynda ótetin buryn-sońdy bolmaǵan Almaty Skylight Show shoýyna biriktiriletin bolady. Іs-shara Almatynyń Qala kúnine arnalǵan.
3D-meppıng tehnologııasy kólemdi keskindemelerdi ekranda úlkeıtip kórsetýge jáne jyljymaıtyn zattar men qurylǵylardy «jandandyrýǵa» múmkindik beredi. Jaryq arqyly kórsetiletin hi-tech 3D shoýy álemniń úzdik festıvalderin almatylyqtar men qala qonaqtarynyń esine salady, olardy kópshiligi Internetten kórgen bolýy múmkin, biraq óz kózimen kórgender az. Al pırotehnıkanyń áseri meıramdy tolyǵymen súıemeldeıdi, bir keshte 3000-nan astam tıisti buıymdar qoldanylatyn bolady.
