Almatyda qala kúnine oraı birqatar avtobýstyń baǵyty ýaqytsha ózgeredi
ALMATY. QazAqparat - Almatyda jyl saıyn Charity Music Run atty mýzykalyq qaıyrymdylyq jarystyń ótýine baılanysty megapolıste birqatar qoǵamdyq kólik baǵyty ýaqytsha ózgeredi, dep habarlaıdy QazAqparat tilshisi.
Almaty qalalyq mobıldilik basqarmasynyń málimetine sáıkes, 10 qyrkúıekte myna baǵyttar boıynsha ózgeris bolady:
№201 – ońtústik baǵytta – Móńke bı – Momyshuly – Tóle bı kóshesi –odan ári syzba boıynsha;
№201 – soltústik baǵytta – ózgerissiz;
№105 – ońtústik baǵytta – Mamyrjaı – Momyshuly – Tóle bı kóshesi – odan ári syzba boıynsha;
№105 – soltústik baǵytta – ózgerissiz;
№19 – batys baǵytta – Rysqulov dańǵyly – Rysqulov qıylysynyń aldyndaǵy burylys /Farıza Ońǵarsynova – «№178 lıtseı»-diń sońǵy aıaldamasy;
№19 – shyǵys baǵytta – qozǵalystyń bastaýy «№178 lıtseı»-diń sońǵy aıaldamasynan - Rysqulov dańǵyly (shyǵysqa) – odan ári syzba boıynsha.
Aıta keteıik, Almatyda 9 qyrkúıekte saǵat 19:00 qala kúnin merekeleý aıasynda Ethnotronica Almaty mýzykalyq tehnologııalyq shoýy ótedi.
«Ethnotronica» - bul stılderdiń ártúrliligin, álem halyqtarynyń áýenderiniń sulýlyǵyn, dástúrli aspaptardyń kolorıtin jáne elektrondyq yrǵaqtyń qýatyn biriktiretin biregeı mýzykalyq jáne tehnologııalyq shoý.
Bıyl Ethnotronica festıvalinde ZSOMBOR FEHER (Vengrııa), ABBOS (Ózbekstan), SITORA NAZAROVA (Tájikstan), TURAN (Qazaqstan), VRAM MINASYAN (Armenııa), BRANKO AND KAІ (Qazaqstan), DJ DUBTAZER (Izraıl), DJ TIM DIAN (Reseı), DJ EDIGE (Qazaqstan), DJ TIM DIAN (Reseı) óner kórsetedi.
Ótetin kúni men orny: 9 qyrkúıek, Abaı atyndaǵy alań, Respýblıka saraıynyń aldy (Dostyq dańǵyly men Abaı dańǵylynyń qıylysy)
