Almatyda qala kúnine oraı barlyq iri saýda úılerinde taýarlar arzan baǵamen satylatyn bolady
ALMATY. Qyrkúıektiń 15-i. QazAqparat /Názıra Eleýhan/ - Almaty saýda oryndary qala kúni merekesine oraı «Biz - almatylyqtarmyz!» atty jalpy qalalyq saýda aktsııasyn ótkizedi,
dep habarlaıdy QazAqparat Almaty qalasy ákiminiń baspasóz qyzmetine silteme jasap.
Keshe bastalǵan bul shara aıdyń sońyna deıin jalǵasady. Tutynýshylar bolsa taýarlardy arzan baǵamen satyp ala alady. Sonymen qatar bul aıda ár saýda oryndarda kontsertter men túrli merekelik sharalar uıymdastyrylmaq.
Atap aıtqanda, «MAHIMA» saýda ornynda ótetin «Krasochnyı shopıng» sharasy kezinde kıim men aıaq kıimniń baǵasy 10-40 paıyzǵa tómendeıdi. Osy saýda ornynyń ekinshi qabatyndaǵy jalǵa berýshiler de óz taýarlarynyń baǵasyn arzandatady. Sondaı-aq qyrkúıektiń 26-da «Arctic ice» muz aıdynynyń ashylý saltanaty bolmaq. Munda 10 myń dana jarnama kýpondary tegin taratylady.
Sondaı-aq ózge de iri saýda ortalyqtarynda taýarlar arzan baǵalarmen satylymǵa shyǵarylady.
Qala kúni merekesine oraı barlyq saýda oryndar bezendirilip, kontserttik baǵdarlamalar tutynýshylar nazaryna usynylady.
