Almatyda qala kúnine oraı «Aport» saýda oıyn-saýyq molly ashylady
ALMATY. Qyrkúıektiń 16-sy. QazAqparat /Nazıra Eleýhan/ - Qala kúnine oraı Almatyda alǵashqy iri «Aport» saýda oıyn-saýyq molly ashylady,
dep habarlaıdy QazAqparat.
Moll (mall, aǵylshyn tilinen aýdarǵanda) kúshti oıyn-saýyq qurylymdary bar jáne túrli saýda formatynda qyzmet kórsetetin saýda kesheni degen maǵynany bildiredi, ıaǵnı záýlim ǵımarattary men klıenttege arnalǵan yńǵaıly kólik turaǵy bar keshen álemdik tanymal saýda brendterin usynatyn moll bolyp tabylady.
«Ortalyq Azııadaǵy asa iri Aport mollynyń quramynda 100-den astam gıpermarketter, dúkender men oıyn-saýyq operatorlary qyzmet kórsetedi. A'port aımaqtyq mollynyń el aýmaǵyndaǵy ózge saýda-oıyn-caýyq keshenderinen aıyrmashylyǵy da ondaǵy operatorlardyń sany men qyzmet kórsetý pishininde», deıdi Eurasia RED kompanııasynyń qarjy jáne bıznesti damytý jónindegi dırektory Dmıtrıı Revın.
A'port aımaqtyq mollyna 10 000 sharshy metrdi alyp jatqan, 40 000 túrli taýar túrlerin satatyn Qazaqstandaǵy asa iri RamstorGıper gıpermarketi, 10 000 sharshy metr aýmaqty alyp jatqan, úıge arnalǵan taýarlar men qurylys materıaldaryn satatyn Kazmart gıpermarketi, 2 500 sharshy metr aýmaqty alyp jatqan «Qalashyq», 40 myńnan astam balalar taýarlaryn satatyn gıpermarket, mundaı pishinde tuńǵysh ret usynylyp otyrǵan Funky Town balalar oıyn-saýyq kesheni, sandyq úlgidegi 3D formatynda qyzmet kórsetetin Star Cinema kınoteatry, halyqaralyq franshızer Inditex tobynyń 2000 sharshy metrdi alyp jatqan Zara Women, Zara Men, Zara Kids toptamalaryn usynyp otyrǵan tuńǵysh Zara dúkeni kiredi. Keshenderdegi barlyq taýar baǵalary basqa sýpermarketterge qaraǵanda 10 paıyzǵa tómen baǵamen satylatyn bolady.
Kompanııa aldaǵy ýaqytta maýsym tańdamaıtyn akvapark pen búkil otbasyna arnalǵan SPA-ortalyǵyn, jastarǵa arnalǵan oıyn-saýyq túrleri men Qazaqstan úshin jańa da sándi saýda brendterin usynatyn kıim dúkenderin salýdy josparlap otyr. Jaqyn keleshekte Eurasia RED kompanııasy Qulja tas jolynyń boıynda ekinshi aımaqtyq Aport saýda-oıyn-saýyq keshenin salýǵa kirispek.
Kelýshilerge Qazaqstanda balamasy joq 3500 oryndyq kólik turaǵy tegin qyzmet etetin bolady.
