Almatyda qala kúnine arnalǵan velosherý ótti

Tańǵy 8.30-da Dostyq dańǵylynan bastalǵan sherý ál-Farabı kóshesiniń boıymen ótip QR Tuńǵysh Prezıdenti saıabaǵy aldynda márege jetti.

100-ge jýyq velosúıerqaýym qatysqan sharany qala ákimdigi men «Almaty» veloklýby uıymdastyrdy. Sherý qorytyndysynda birneshe atalym boıynsha baǵaly syılyqtar tapsyryldy. Olardyń arasynda eń jas velosúıer, eń qart velosúıer, eń úzdik velosúıer syndy birneshe atalym bar. Bul atalymdar boıynsha «Eń jas velosúıer» bolyp 9 jasar Ásel Arapova, «Eń qart velosúıer» 70 jastaǵy Ásker Bolqanbaev atandy.

Atalǵan sherý qalanyń velosúıerleri úshin búgindikke sońǵy shara emes. qazirgi kezde Saıran kólinde velosportshylar arasynda jarys ótip jatyr. Bul shara da qala kúni qurmetine arnalǵan.

Eske sala keteıik, Almatyda qala kúni merekesin atap ótý qyrkúıek aıynyń basynda bastalǵan bolatyn. Buǵan deıin birneshe iri mádenı sharalar ótkizilgen edi. Qala kúnin atap ótý - qala turǵyndary men qonaqtary úshin aıtýly merekelerdiń biri. Merekeniń basty ustanymy qoǵamnyń óz qalasyna súıispenshiligin oıatý, mádenı qundylyqtardy kóterý, Almatynyń áleýmettik-mádenı damýyna úles qosý.