Almatyda Qala kúnine arnalǵan senbilik ótip jatyr
ALMATY. 10 qyrkúıek. QazAqparat /Názıra Eleýhan/ - Búgin Almatyda Qala kúnine arnalǵan jalpyqalalyq senbilik ótip jatyr. Bıyl Qala kúni 18 qyrkúıek kúni atalyp ótiletin bolady.
Senbilikke qaladaǵy barlyq joǵary, orta jáne arnaıy oqý oryndarynyń stýdentteri men mektep oqýshylary, zańdy tulǵalar men kommýnaldyq qyzmet oryndary, bıýdjettik uıymdar men mekemelerdiń qyzmetkerleri jumyldyrylǵan.
Almaty qalasynyń jeti ákimshiliginiń málimetinshe, búgin tazalyq aktsııasyna 200 myńnan asa adam qatysady dep josparlanǵan.
Qatysýshylarǵa qajetti qural-saımandar, qaptar men jınalǵan qoqysty tıeıtin arnaıy kólikter bólingen. Qala boıynsha qoqys shyǵarýǵa 200 kólik tartyldy.
Senbilik barysynda qala kóshelerine, aýla aýmaqtaryna, aryqtar men ózen jaǵalaýlaryna, qoǵamdyq oryndarǵa, aryq jelilerine, sonymen qatar, jasyl alqaptarǵa, sý qoımalary men ózen ańǵarlaryna tazartý jumystary júrgiziledi.
Shara barysynda, qalanyń estetıkalyq kelbetine de erekshe nazar aýdarylatyn bolady. ıAǵnı, aǵashtar aqtalyp, ǵımarattardyń syrt jaǵy, qorshaýlar men tireýler, oryndyqtar men jarnama taqtaıshalary syrlanady.
