Almatyda Qala kúnin toılaý aıasynda 50-den astam mádenı shara ótkiziledi
ALMATY. QazAqparat - Bıyl ońtústik astanada Qala kúnin toılaý aıasynda 50-den astam iri mádenı shara ótkiziledi. Bul týraly búgin Almatyda ótken baspasóz máslıhaty barysynda Almaty qalalyq Mádenıet basqarmasy basshysynyń mindetin atqarýshy Marken Ahmetov málimdedi.
Bıyl Qala kúni 20 qyrkúıekke sáıkes keledi. Biraq, merekelik sharalar aıdyń alǵashqy kúnderinen bastap, júzege asyryla bastaıdy, - deıdi uıymdastyrýshylar. Bıyl qala kóleminde 50-den astam negizgi sharalardy ótkizý josparlanǵan. Al eger buǵan aýdan kólemindegi sharalardy qosar bolsaq, onda jalpy sany myńǵa jýyqtaıdy.
Almaty qalalyq Mádenıet basqarmasy basshysynyń mindetin atqarýshy Marken Ahmetovtiń aıtýynsha, negizgi sharalar 20 qyrkúıekte 28 Panfılovshylar saıabaǵynda ótedi. Sondaı-aq, osy saıabaqta Smile park dep atalatyn emotsııa festıvali uıymdastyrylady. Al kúndiz Saıran kólinde de qala turǵyndaryn qyzyqty sharalar kútip tur.
Bıyl Almaty metropolıteniniń jeti beketinde klassıkalyq mýzyka boıynsha «Metrodaǵy mýzyka» atty kontsertter uıymdastyrylady. ıAǵnı, 7-15 qyrkúıek aralyǵynda poıyzdan túsken jolaýshylar orkestrlik mýzykanyń áýenin estıtin bolady.
Sondaı-aq, M. Ahmetov Apple Quest dep atalatyn qyzyqty joba jóninde áńgimeledi. Ol qala tarıhyna arnalǵan. Shara 13 qyrkúıek - Otbasy kúni uıymdastyrylady. Munda shamamen 50 komanda jasaqtalyp, qala tarıhyn bilý boıynsha baıqaýǵa túsedi.
«Qazir qalada I love Almaty.baıqaýy qyzý júrgizilip jatyr. Bas júlde - 1 mln. teńge. Bul «I love Almaty» degen jazýy bar shaǵyn sáýlet músinderin jasaý boıynsha baıqaý. Árbir qala aýdanynda ınstallıatsııaǵa arnalǵan oryndar belgilenedi. Al 20 qyrkúıekte QR Tuńǵysh Prezıdenti saıabaǵynda árbir aýdanda eń úzdik dep tanylǵandary jurtshylyq nazaryna usynylady», - dedi ol.
