Almatyda qala kúni toılanady

ALMATY. QazAqparat- Almaty qalasynyń ákimi Erbolat Dosaev Almaly aýdany turǵyndarymen kezdesý barysynda jyl saıyn qyrkúıek aıynyń úshinshi jeksenbisinde almatylyqtar atap ótetin Qala kúnin merekeleýdi uıymdastyrý boıynsha daıyndyq jumystary júrip jatqanyn aıtty, dep habarlaıdy QazAqparat tilshisi.

Qala ákimimen kezdesýge kelgen Almaly aýdanynyń turǵyny almatylyqtarǵa mereke uıymdastyrýdy usyndy.

«Pandemııaǵa baılanysty almatylyqtar eshqandaı merekeni toılaǵan joq. Eki jyl úıde otyrdy. Aýrý men jaqyndaryn joǵaltý turǵyndardy ábden sharshatty. Bizge meıram syılańyzshy. Qala kúnin toılaıyq»,- dep surady Almaly aýdanynyń turǵyny.

Erbolat Dosaev bıyl Qala kúnine oraı is-sharalardy ótkizýdiń baǵdarlamasy ázirlenip jatqanyn aıtty.

«Bıyl qyrkúıek aıynda qala kúnin toılaımyz. Onyń aıasynda mádenı-kópshilik sharalar uıymdastyrylady. Dúısenbi kúni baǵdarlamany bekitemiz»,-dep jaýap berdi qala basshysy.