Almatyda qala kúni otshashýmen aıaqtaldy
ALMATY. QazAqparat - 1002 jyldyǵyn atap ótken Almatyda túrli is-sharalar kóp uıymdastyryldy. Qala kúni saltanatty ot shashýmen aıaqtaldy, dep habarlaıdy QazAqparat.
Astana alańynda saǵat 22:00 ot shashý atyldy. Feıerverk shoýy qala turǵyndaryn tamsandyrdy. Ol túrli pishindegi otshashý túngi aspandy túrli tústi sáýlege toltyrdy.
Eske sala ketsek, Almaty qala kúnin keńinen atap ótti. Bul kúndi dástúrge sáıkes «Apple Fest» almalar festıvali ashty. Ol alǵash ret shahardaǵy birneshe alańda - Tuńǵysh Prezıdent parki, Almaty Arena aldyndaǵy alańda, Abaı jáne Astana alańdarynda, Ortalyq mádenıet jáne demalys saıabaǵynda, sosyn Kóktóbede bir mezette uıymdastyryldy.
Qala kúnine oraı QR Tuńǵysh Prezıdenti parkinde eń uzyn quraq kórpe boıynsha álemdik rekord ornatyldy.
Mádenı is-sharalar legi Almaty Arena-daǵy sheteldik estrada juldyzdary qatysýymen ótken «B-DAY Party» kontsertimen aıaqtaldy.
