Almatyda Qala kúni keńinen atalyp ótilýde
ALMATY. 14 qyrkúıek. QazAqparat - Almatyda qalyptasqan dástúr boıynsha Qala kúni keńińnen atalyp ótilýde. Ol bıyl 15 qyrkúıekǵke týra keldi, degenmen merekelik sharalar keshe bastalyp ketti - Respýblıka Saraıy aldyndaǵy Abaı alańynda ońtústik astanaǵa arnalǵan «Almatym júregimde» atty qalalyq ánder konkýrsy ótti.
Búgingi jáne erteńge baǵdarlamalarda - «AlmatySkylightShow» mýltımedıalyq pırotehnıkalyq shoýy, Medeýge baratyn jolda demalys alańynyń ashylýy, «Dámdi taǵamdar merekesi», jylsaıynǵy «AppleFest» alma festıvali, velojoryq jáne basqa da aktsııalar kózdelgen. Merekelik tamasha shoý ortalyq stadıonda ótetin «Muzzone-2013» Eýrazııalyq mýzykalyq syılyǵymen aıaqtalady.
Sondaı-aq Qala kúnin merekeleý aýqymynda Almatyda ІІІ Halyqaralyq qýyrshaq karnavaly, frantsýzdyq «Mademoiselle K» rok-tobynyń jáne Lıll qalasy ulttyq orkestriniń kontsertteri bolady. Búgin sonymen qatar jylsaıynǵy ІІ Halyqaralyq tsırk óneri festıvali bastalady.
Merekelik sharalar ótýine baılanysty buqaralyq-mádenı sharalar ótetin jerlerdiń qasynda qoǵamdyq kólik qozǵalysy qosymsha saǵat 23-24-ke deıin, metro - túngi birge deıin uzartyldy. Qala bıligi jeke kólikti turaqtarǵa qoıýda qıynshylyqqa jol bermeý úshin almatylyqtardy qoǵamdyq kólikti paıdalanýǵa shaqyrdy.
