Almatyda Qala kúni qalaı atalyp ótedi
ALMATY. QazAqparat - 15-16 qyrkúıek kúnderi Qala kúnine oraı Almaty Arena muz kesheniniń aldynda mereke atalyp ótedi, dep habarlaıdy QazAqparat tilshisi.
Senbi jáne jeksenbi kúnderi saǵat 11.00-den 23.00-ge deıin muz kesheniniń aldynda balalar men eresekterge arnalǵan taqyryptyq oıyndar, Big City Picnic kóshe taǵamy festıvali jáne fermerlik jármeńkeler sııaqty halyqtyq saýyq-saıran ótedi.
Almaty Arena alańyndaǵy fed-festıvalde arnaıy jabdyqtalǵan úıshikterdegi túrli taǵamdardan dám tatýǵa bolady. Qala belgisi óniminen jasalǵan - alma chıpsyıy, tosap, alma shyrynan jasalǵan kokteılder basty nazarǵa iligetini sózsiz.
Úlkender men balalar «alma shashkasy» men «almabol» oınaı alady. Almaty Art Center býlvarynda «Alma kórmesi» ótedi. Merekelik sahnada Live Band maýzykasy men dıdjeılerdiń bıleıtin trekteri qoıylady.
14 qyrkúıekte Almaty Art Centre-de Qala kúni men Qazaqstan sýretshiler odaǵynyń 85 jyldyǵyna arnalǵan aýqymdy sýretter kórmesi ashyldy.
Jeksenbige deıin Almaty Arena jeńil atletıka stadıonynda Qala kúnine oraı fýtboldan ashyq týrnır ótýde.
Merekeleý sharasy Almaty Arena úlken sahnasynda BirthdayParty sheteldik ónerpazdardyń kontsertimen aıaqtalady.
