Almatyda qala kósheleriniń birine belgili memleket jáne qoǵam qaıratkeri Turǵanbek Qataevtyń esimi berildi
ALMATY. Qańtardyń 2-si. QazAqparat /Erlik Erjanuly/ - Almatyda qala ákimi men máslıhattyń sheshimi boıynsha "16-shy lınııa" kóshesiniń ataýy ózgerdi,
dep habarlaıdy QazAqparat.
Qarashanyń 30-y kúngi máslıhattyń HHІІІ sessııasynda qabyldanǵan Bostandyq aýdanyndaǵy "16-shy lınııa kóshesiniń" atyn ózgertý týraly №260 sheshimin ákimdik jeltoqsannyń 3-i kúngi №5/783 qaýlysymen maquldaǵan bolatyn. Máslıhat pen ákimdiktiktiń birlesken sheshimi jeltoqsannyń 25-inde qalalyq ádilet departamentinde tirkelip, qalalyq merzimdi basylymdarda resmı túrde jarıalandy. Endi Abaı dańǵyly men Básenov kóshesiniń arasyndaǵy 1200 metrlik "16-shy lınııa" kóshesiniń aty Turǵanbek Qataevtyń esimimen atalady. 1974-1983 jyldary respýblıkanyń bilim mınıstrligin basqarǵan T. Qataev elimizdiń joǵary bilim berý salasyn damytýǵa zor úles qosqan edi. Belgili memleket jáne qoǵam qaıratkerin este qaldyrý maqsatynda ótken jyly ómiriniń sońǵy jyldaryn ótkizgen úıge memorıaldyq taqta qoıylǵan bolatyn. Bıyl esimi qala kósheleriniń birine berilip otyr.
