Almatyda qala boıynsha 27 myń túp aǵash otyrǵyzý josparlanyp otyr
ALMATY. 18 naýryz. QazAqparat - Almatyda ádettegideı Naýryz meıramy qarsańynda oraı aǵash otyrǵyzý sharalary bastaldy.
Ol jumystarǵa jergilikti qazynadan 174 mln. teńgeden astam qarjy bólingen. Bıyl qala boıynsha 27 myń túp aǵash otyrǵyzý josparlanyp otyr. Aǵash kóshetteri megapolıstiń saıabaqtaryna, skverlerine jáne basqa da jerlerine otyrǵyzylatyn bolady.
Kesheden bastap, Tabıǵı resýrstar jáne tabıǵatty paıdalanýdy retteý basqarmasy tarapynan Alataý aýdanyndaǵy №152 mektep pen №165 bala baqsha mańyna 100 qaıyń, 100 akatsııa jáne QR Tuńǵysh Prezıdenti atyndaǵy saıabaq pen «ıÝjnyı» saıabaǵynda 200-den qaıyń otyrǵyzylady. Qulaǵaly turǵan jáne qurylys úshin kesilgen aǵashtardyń esesine 7000-nan astam jańa jelek egilmek.
Atalmysh sharanyń bastalýyna oraı, Almaty qalasynyń Tabıǵı resýrstar jáne tabıǵatty paıdalanýdy retteý basqarmasy qalanyń turǵyndaryn da osynaý iske belsene aralasýǵa, aǵash otyrǵyzyp, aınalamyzdaǵy jasyl jelekke uqyptylyqpen qaraýǵa shaqyrady. Jáne jasyl jelektiń kózin joıǵan nemese olardy qazyp tastaý sııaqty keleńsiz faktiler oryn alǵan jaǵdaıda, dereý 271-65-25; 272-54-89; 264-22-18 telefondaryna habarlasýdy suraıdy.
Esterińizge sala keteıik, ótken jyly kóktemde qala aýmaǵynda 16 myńǵa jýyq aǵash egilse, «Medeý» aımaqtyq tabıǵı saıabaǵyndaǵy 51,4 gektar aýmaqqa 4218 túp qaıyń, sheten jáne shegirshin aǵashtary otyrǵyzyldy. Al, Tuńǵysh Prezıdent atyndaǵy saıabaqqa Tıan-Shannyń 100 shyrshasy otyrǵyzylǵan bolatyn.
