Almatyda qala ákimi «Qaırat» fýtbol komandasynyń múshelerine medaldar tapsyrdy
trong>Qarashanyń 2-si. QazAqparat /Názıra Eleýhan/ - Almatyda qala ákimi «Qaırat» fýtbol komandasynyń múshelerimen kezdesip, olarǵa medalder tapsyrdy,
dep habarlaıdy QazAqparat qala ákiminiń baspasóz qyzmetine silteme jasap.
Ahmetjan Esimov fýtbolshylardy jeńisterimen quttyqtap, olarǵa keleshekte elimizdiń dańqyn arttyratyn ataqty sportshylar bolýlaryna tilek bildirdi. Sonymen qatar, qala ákimi fýtbolısterdiń shynshyl kúres erejelerin ustanyp, óz kásipteriniń erekshelikterin eskerýleri kerek ekendigin aıtty.
«Sizder jaqsy bilesizder, ústimizdegi jyly biz komanda aldyndaǵy óz mindettemelerimizdiń barlyǵyn oryndadyq. Al bastysy, jankúıerlerge qyzyqty oıyn kórsetý», dedi ol.
Esterińizge sala ketsek, «Qaırat» fýtbol komandasy 2009 jyldyń maýsymynda Qazaqstan Respýblıkasynyń birinshiliginde birinshi oryndy ıelenip, joǵary dıvızıonǵa ótti. Al premer-lıgaǵa joldamany komanda ýaqytynan buryn, birinshiliktiń aıaqtalýyna 2 týr qalǵanda jeńip aldy. Ústimizdegi maýsymda «Qaırat» 26 oıyn oınap, olardyń 19-yn jeńispen aıaqtady, 3-de jeńilip, 4 oıyndy teń aıaqtady.
Komandanyń eń úzdik shabýylshylary - Igor Abdýşeev pen Dáýren Qusaıynov.
