Almatyda qala ákimi bilim berý isiniń ardagerlerine páter kiltin tabys etti
ALMATY. 17 tamyz. QazAqparat - Almatyda bilim berý qyzmetkerleriniń tamyz keńesi kezinde úzdikterdi marapattaý rásimi boldy.
Onda qala ákimi Ahmetjan Esimov Tursynaı Medetbekqyzy, Ǵalııa Ybraeva, Sáýle Ázimbaeva, Ádilhan Tólebaeva sııaqty 8 ardager ustazǵa páter kiltin tabys etti. Birqatar bilim berý mekemeleriniń qyzmetkerlerin Alǵys hattarmen marapattap, «Orta bilim beretin uıym» qalalyq baıqaýynyń jeńimpazy bolǵan №175 gımnazııaǵa 175 mln. 951 myń teńgeniń sertıfıkatyn jáne respýblıkalyq «Bilim uıasy» baıqaýynyń 7 jeńimpaz uıymyna kóp salaly lager qurylǵylaryn syılady. Al Bilim jáne ǵylym mınıstrliginiń Ǵylym komıtetiniń tóraǵasy Nurlan Ybyraıym mınıstrliktiń 3 adamǵa «Ybyraı Altynsarın» medalin, 2 adamǵa «Bilim berý isiniń qurmetti qyzmetkeri» belgisin, 5 adamǵa - Qurmet gramotasyn jáne 6 adamǵa - Alǵys hatyn tapsyrdy.
