Almatyda qala ákimi áleýmettik júıe qyzmetkerlerine páter kiltin tabys etti
ALMATY. 24 qazan. QazAqparat - Búgin elimizde tuńǵysh ret keń kólemde atalyp ótkeli otyrǵan áleýmettik sala qyzmetkerleriniń tól merekesine jáne Almaty qalasyndaǵy halyqty áleýmettik qamsyzdandyrý júıesiniń qurylǵanyna 75 jyl tolýyna arnalǵan saltanatty shara ótip jatyr.
«Elbasymyz qazan aıynyń sońǵy jeksenbisin áleýmettik qorǵaý júıesi qyzmetkerleriniń kúni dep jarııalaýy sizderdiń halyq aldyndaǵy abyroı-bedelderińizdiń bıiktigin kórsetedi. Árıne kúndelikti ómirde árbir qyzmettiń óz qıyndyǵy bolady. Sonyń ishinde, áleýmettik salanyń orny erekshe. Bul óte jaýapty jáne adam taǵdyrymen sabaqtas sala. Osy sala qyzmetkerleriniń aralasýymen Almatyda 70-ten asa áleýmettik qyzmet túri kórsetiledi», - deıdi qala ákimi Ahmetjan Esimov. Onda birqatar qyzmetkerler ákimniń alǵys hatymen, al Baqyt Ábdildına, Maıra Ybyraıqyzy, Kamıla Esetova, Raısa Musabekqyzy, Aınur Eleshqyzy men Jámıla Ysqaqova páter kiltin aldy. Sondaı-aq jumyspen qamtý jáne áleýmettik baǵdarlamalar basqarmasynyń tós belgisimen marapattaldy. Shahar basshysynyń aıtýynsha, áleýmettik salany qoldaýǵa bıyl Almatyda 7,3 mıllıard teńge qarjy bólinip otyr.
