Almatyda «Kakadý» kabare dámhanasy órtendi
ASTANA. 6 qańtar. QazAqparat - Almatyda «Kakadý» kabare dámhanasy órtendi. Bul aqparatty QR TJM baspasóz qyzmeti taratyp otyr.
Vedomstvonyń atap ótýinshe, tótenshe oqıǵa qańtardyń 5-nen 6-na qaraǵan túnde Almaly aýdanynda, Qurmanǵazy men Abylaıhan kósheleriniń qıylysyndaǵy birqabatty «Kakadý» kabare dámhanasynda oryn alǵan.
Órt 60 sharshy metr aýmaqty sharpyǵan. Abyroı bolǵanda zardap shekkender men qaza tapqandar joq. Oqıǵa ornynan 25 adam qaýipsiz jerge kóshirildi.
Qyzyl jalyndy sóndirýge QR TJM Almaty qalalyq tótenshe jaǵdaılar departamenti jeke quramynyń 25 mamany men 7 tehnıkasy jumyldyryldy.
