Almatyda qaǵaz qystyrǵysh kúni atalyp ótildi

dep habarlaıdy QazAqparat.

Kez-kelgen keńseden tabylatyn qaǵaz qystyrǵyshty norvegııalyq matematık Iogann Valer 1899 jyly oılap tapqan bolatyn. Ol óz týyndysyn 1901 jyly Germanııa men AQSh-ta patenttep, budan ári ol álem halyqtarynyń negizgi keńse taýarlarynyń birine aınaldy.

"Alem kence " kompanııasynyń qoǵammen baılanys jónindegi mamany Anar Táýetaevanyń aıtýynsha, kompanııa 18 jyldan beri keńse taýarlaryn satýmen aınalysady. Qaǵaz qystyrǵysh osy ýaqyttan beri kompanııanyń satý sóresindegi basty taýarlardyń biri bolyp keledi.

Qaǵaz qystyrǵyshty álemde paıdalanbaıtyn keńse joq. Tipti, oǵan 1990 jyly Norvegııanyń astanasy Osloda 5 metrlik eskertkish ornatylǵan. Biz keńse taýarlaryn satatyn kompanııa bolǵandyqtan bıylǵy mereıtoıymyzdy qaǵaz qystyrǵysh kúni retinde atap ótýdi uıǵardyq» deıdi A.Táýetaeva.

Sharaǵa kompanııanyń áriptesterimen, tutynýshylary qatysyp túrli oıyndar ótkizildi. Sonymen qatar utys oıyndary ótkizilip, syılyqtar taratyldy. Kompanııa qyzmetkerleriniń aıtýynsha, qaǵaz qystyrǵysh kúni dástúrli merekelik sharaǵa aınalady.