Almatyda kafege kelgen er adam daıashyǵa qol jumsady
ALMATY. QazAqparat – Almatyda kafege kelgen er adam daıashyǵa qol kóterdi. Polıtsııa ony ustady, dep habarlaıdy QazAqparat tilshisi.
Almaty qalasynyń Polıtsııa departamenti bastyǵynyń orynbasary Rýstam Ábdirahmanov bolǵan oqıǵa boıynsha túsinikteme berdi.
«Internette er adamnyń ústine sýsyn tógip alǵany úshin daıashyǵa qol kótergeni taspalanǵan vıdeo barlyǵyn tańǵaldyrdy. Biz birden tekserýge kiristik, nátıjesinde daıashyǵa qol kótergen er adamnyń kim ekenin anyqtadyq. Búgin 1992 jyly týǵan Ý. esimdi azamat ustaldy. Qazirgi kezde ol Medeý aýdanynyń Polıtsııa basqarmasyna tergeý amaldaryna qatysý úshin jetkizildi. Kináli jaýapqa tartylady», - dep jazdy óziniń Instagram jelisindegi paraqshasynda Rýstam Ábdirahmanov.
Polıtsııa departamentiniń baspasóz qyzmeti atalmysh faktiniń Sotqa deıingi tergep-tekserýdiń biryńǵaı tizilimine 1-bólim 293-bap boıynsha tirkelgenin málimdedi. Sonymen qatar sot-medıtsınalyq saraptama taǵaıyndalǵan. Onyń qorytyndysy boıynsha is júrgizý sheshimi qabyldanady.
