Almatyda kafe órtendi
ALMATY. QazAqparat - Almatyda kafe órtendi, dep habarlaıdy QazAqparat tilshisi.
«2 shilde kúni Almaty qalalyq Tótenshe jaǵdaılar departamentiniń ókilderi saǵat 17:22-de qalada órt tutanǵany týraly habar alyp, shuǵyl túrde Áýezov aýdanynyń Mamyr-4 yqshamaýdanyna attandy. Olar oqıǵa ornyna saǵat 17:29-da jetip, 2 qabatty «Tarym» kafesiniń tóbesi men ústińgi jabyny janyp jatqanyn anyqtady»,-dep habarlady Almaty qalalyq TJD baspasóz qyzmeti.
Órt jaqyn turǵan ǵımarattarǵa ótýi múmkin edi.
«Sondaı-aq órt bolyp jatqan jerden kólemi 50 lıtrlik 8 gaz ballony shyǵaryldy. Órt saǵat 18:06-da oqshaýlanyp, 11 mınýttan soń tolyq sóndirildi, 150 sharshy metr alqap janyp ketti», - dep habarlady TJD ókilderi.
Oqıǵanyń saldarynan qurban bolǵandar men zardap shekkender joq.
