Almatyda kabelder zaqymdanyp, trolleıbýstar júrmeı jatyr
ALMATY. QazAqparat – Almaty turǵyndary trolleıbýstardyń júrýine shaǵymdana bastady. Jolaýshylardyń narazylyǵyna «Almatyelektrotrans» JShS ókilderi jaýap berdi, dep habarlaıdy QazAqparat tilshisi.
«Qurmetti jolaýshylar, №8 podstansadaǵy jeliniń zaqymdanýyna baılanysty búgin №11 marshrýt boıynsha 20 trolleıbýstyń 10-y, №25 marshrýt boıynsha 31 trolleıbýstyń 16-sy, №7 marshrýt boıynsha 27 trolleıbýstyń 14-i, №19 marshrýt boıynsha 17 trolleıbýstyń 9-y ǵana shyǵady. Kólikterdiń arasyndaǵy ınterval uzaq bolady», - dep jazdy «Almatyelektrotrans» JShS Facebook-tegi paraqshasynda.
Sonymen qatar, Qabanbaı batyr kóshesinde toq kerneýi az bolǵandyqtan, №9 trolleıbýs baǵdary tolyq jabyq bolady.
Kompanııa ýaqytsha qolaısyzdyqtar úshin keshirim surady.
