Almatyda Q. Sátbaev atyndaǵy ýnıverıtettiń kúni atalyp ótti
ALMATY. Qazannyń 20-sy. QazAqparat /Erbol Turymbetov/ - Búgin Q. Sátbaev atyndaǵy QazUTÝ-da ýnıversıtet kúni jáne birinshi kýrstardy stýdent qataryna qabyldaýǵa arnalǵan merekelik shara bolyp ótti.
Buǵan «Nur Otan» HDP Almaty qalalyq fılıaly basshylary men qala jáne aýdandyq ákimdikter ókilderi qatysty. Sonymen birge óner adamdary men ýnıversıtettiń oqytýshy-professorlary boldy.
«Ýnıversıtetimizde jyl saıyn qazannyń 20-da ýnıversıtet kúni atalyp ótilip, stýdentterdi qabyldaý saltanaty uıymdastyrylyp turady. Bıylǵy jyly ýnıversıtetimizge birinshi kýrsqa 2854 talapker tústi. Al jalpy magıstrler sanyn qosa eseptegende 3600 adam oqýǵa qabyldanyp otyr», - dedi QazUTÝ prorektory, fılosofııa ǵylymdarynyń doktory, professor Ulyqpan Sydyqov.
Shara barysynda buryn Q. Imantaıulynyń hatshysy bolǵan, Memlekettik syılyqtyń laýreaty Silámhan Juparhanuly quttyqtaý sóz sóılep, jańa qabyldanyp jatqan stýdentterge batasyn berdi. Sonymen birge, stýdentter kontserttik baǵdarlamalar oryndap, ulttyq bı «Qara jorǵany» bıledi.
