Almatyda izdeýde júrgen 10 adam ustaldy
ALMATY. QazAqparat - Almatyda qylmys jasady degen kúdikpen izdeýde júrgen 10 adam ustaldy. Bul týraly qalalyq ІІD baspasóz qyzmeti habarlady.
Aıta ketý kerek, qalalyq polıtsııa 3 kún ishinde kóshi-qon zańyn buzǵan 376 adamdy ustady.
«Atap aıtqanda, Ózbekstan, Tájikstan, Reseı, Ázerbaıjan, Qyrǵyzstan, Aýǵanstan, Grýzııa, Ýkraına elderiniń azamattary QR Kóshi-qon týraly zańyn buzǵan. 279 sheteldik ákimshilik jazaǵa tartyldy. Sheteldik azamattardy jumysqa zańsyz tartqany týraly 9 derek anyqtaldy», - dedi Almaty ІІD kóshi-qon polıtsııasy basqarmasynyń basshysy Aıdyn Belgibaev.
Onyń aıtýynsha, 3 kún aralyǵynda 37 743 páter, 34626 úı, 477 mekeme tekserildi.
«3583 adamnyń ishinen 109 adam qarý jaraǵyn tirkemegeni anyqtaldy. 74 qarý tárkilendi. Reıd barysynda qylmystyq is boıynsha izdeýde júrgen 10 adam ustaldy», - dedi ol.
