Almatyda «Іzdestirý» sharasy barysynda 37 qylmysker quryqtaldy
ALMATY. 20 sáýir. QazAqparat /Berik Bekmurzaev/ - Almaty polıtseıleri bes kúndik «Іzdestirý» sharasy barysynda 37 qylmyskerdi quryqtady,
dep habarlady Almaty qalalyq ІІD baspasóz qyzmeti.
Onyń ishinde Reseı Federatsııasynyń Tomsk qalasynda jasyrynyp júrgen 26-jasar ıÝrıı de bar. Alkogoldi ishimdikke sylqııa toıyp alǵan ol osy jyldyń 26 naýryzynda 47-jasar er adamdy pyshaqtap óltirgen. Kisi ólimi dóreki daý-damaıdan bastalǵan.
«Aıta ketetin jáıt, eki jaq ta bir-birin bilmegen. Sol kúni keshke olar Almatynyń Almaly aýdanynda ornalasqan kafede ortaq tanystarynyń týǵan kúnin toılaǵan bir otyrysta bolǵan. Kóshege shyqqan olar shekisip qalady da, sol jerde azamat ıÝ. qaltasynan bákisin shyǵarady. Jábirlenýshi eki márte keýde tusynan jaraqat alady. Ony aýrýhanaǵa jetkizedi. Alaıda, ol esin jımastan birshama ýaqyttan keıin aýrýhanada jantásilim etedi. Bul qylmys qoǵamdyq orynda jasalǵan. Dereý jedel-tergeý toby arqyly oqıǵa bolǵan jerdegi kýáler anyqtalyp, kúdiktiniń tús-álpetin sýrettep bergen. Bir saǵattan keıin azamat ıÝ-dy ustaý jónindegi tuspaldar barlyq aýdandyq ІІB-na, polıtseılerdiń ýchaskelik pýnktterine, sonymen qatar qala aýmaǵyndaǵy polıtsııa beketterine taratyldy. Biz kúdiktiniń Almatydan qashyp ketýi yqtımal ekendigin joqqa shyǵarmadyq»,- dep málimdedi Almaty qalalyq ІІD Krımınaldy polıtsııa basqarmasy bastyǵynyń orynbasary, polıtsııa polkovnıgi Vadım Streltsov.
Keshendi jedel-izdestirý is-sharasy barysynda qylmys soqpaǵy jedel topty Tomsk qalasyndaǵy ıÝrııdiń boı tasalamaq bolǵan týystarynyń úıine alyp keldi. Ony ustaý operatsııasy tomskilik áriptesterdiń qatysýymen júrgizildi.
«Atap aıtý kerek, osy ispettes jergilikti sharalar aıasynda kórshiles aımaqtardaǵy, sonymen birge Qazaqstanǵa shekaralas elderdegi áriptesterimizben ózara tyǵyz áreketter jasaý óte mańyzdy. Jedel aqparat almasý, kelip túsken málimetterdiń anyq-qanyǵyn tekserý bizge Almatyda jáne jaqyn shetelderde qylmys jasaǵany úshin izdestirilýde júrgen qylmyskerlerdi izdep tabýǵa múmkindik beredi. Al qylmyskerlerdi Otanyna qaıtarý máselesi jónge keltirilip, tolassyz jumys isteýde. Jalpy alǵanda, búgingi tańda Almatynyń Іshki ister departamenti qylmystyń aldyn alý boıynsha qatań, ári tıimdi sharalar qoldanýda», - dep sózin túıindedi polkovnık Streltsov.
«Іzdestirý» jedel-aldyn alý is-sharasy ádil sottan jasyrynyp ketpekshi bolǵan qylmyskerlerdi izdestirýge, iz-túzsiz joǵalyp ketken adamdardyń meken-jaıyn anyqtaýǵa, sonymen qatar qalanyń qylmystyq ahýalyn saýyqtyrýǵa baǵyttalǵan. Bul is-sharany júrgizý barysynda krımınaldy polıtsııa basqarmasynyń jedel ýákilderi ǵana emes, Almaty garnızonynyń basqa da syrtqy qyzmetiniń polıtseıleri de atsalysty.
