Almatyda iz-túzsiz joǵalǵan 15 jasar qyz aman tabyldy
TALDYQORǴAN. QazAqparat - Jambyl AІІB iz-túzsiz joǵalǵan 15 jasar Malıka Oraqbaevany tapty, dep habarlaıdy QazAqparat tilshisi.
Eske sala ketsek, oqýshy qyz 15 sáýir kúni joǵalyp ketken bolatyn. 16 sáýir kúni Malıkanyń anasy Jambyl aýdanynyń Іshki ister bólimine kelip balasynyń joǵalyp ketkeni jóninde shaǵym túsirgen.
Málim bolǵandaı, anasy qyzyn 15 sáýir kúni Jambyl aýdany Qarǵaly aýylyna barý úshin taksıge salyp jibergen. Malıka sol aýylda týystarynyń úıinde turyp, bilim alady. Alaıda, qyz bala aýylǵa sol boıy jetpegen.
«Polıtseılerden basqa oqýshy qyzdy izdeý jumystaryna onyń týystary, mektep muǵalimderi jumyldyryldy. Jaqyn mańdaǵy aýyldar birneshe márte tekserildi. Negizinen, izdeý jumystary Almatyda júrgizildi. Aqyrynda, ol qaladan tabyldy. Oqýshy qyz áleýmettik jeli arqyly tanysqan tanystarynyń úıinde jasyrynyp kelgen bolyp shyqty», - dep habarlady oblystyq polıtsııadan.
Malıka Oraqbaeva búginde týystarynyń qolyna tabystaldy. Jambyl aýdanynyń ıÝvenaldy polıtsııa qyzmetkerleri qyz balanyń ne sebepti úıinen qashyp ketkenin tekserip jatyr.
