Almatyda IX Halyqaralyq
ALMATY. 2 qarasha. QazAqparat /Erlik Erjanuly/ - Qazaqstannyń elektr qural-jabdyqtary naryǵy qazirgi tańda tutynýshylardyń suranysyn tolyqtaı qanaǵattandyra almaıdy. Bul búgin Almatyda ótip jatqan IX Halyqaralyq "Energetıka jáne jaryqtandyrý" kórmesiniń ashylý rásiminde aıtyldy.
"Halyqaralyq bul kórme men onyń aıasynda uıymdastyrylyp otyrǵan energetıkter forýmynyń basty maqsaty áleýetti ınvestorlarǵa energetıkalyq sektordyń qazirgi jaı-kúıi men ony damytýdyń keleshegi týraly maǵlumat berý. Óıtkeni Qazaqstanda engergetıka salasyndaǵy óndirilip jatqan buıymdar men qural-jabdyqtar qazir naryqta óte az. Sapasy da keıde halyqaralyq kompanııalardyń ónimderinen nasharlaý bolyp otyr. Búgingi sharalar osy olqylyqtyń ornyn toltyryp, salaǵa jańa serpilis berýge baǵyttalýda", -deıdi Indýstrııa jáne jańa tehnologııalar vıtse-mınıstri Dúısenbaı Turǵanov.
4 qarashaǵa deıin sozylatyn dástúrli kórmeni uıymdastyrǵan qazaqstandyq "Iteka" kórme kompanııasy. Oǵan Qazaqstan, Qytaı, Reseı, Túrkııa, Ýkraına., Slovakııa, Latvııa, Germanııa jáne Chehııadan 90-nan astam kompanııa óz ónimderin usynyp otyr. Olardyń arasynda Chehııa men Germanııa ulttyq stendterin usynýda.
