Almatyda IV toqsan sabaqtaryn jazda qaıtalaý múmkindigi jasalmaq
ALMATY. QazAqparat – Almatyda árbir orta bilim berý uıymynda 1-10 synyp oqýshylary úshin «Jazǵy mektep» uıymdastyrylady. Bul týraly onlaın-brıfıng barysynda QR BǴM Bilim jáne ǵylym salasynda sapany qamtamasyz etý komıteti Almaty qalalyq departamentiniń basshysy Gúlnár Ermekbaeva aıtty, dep habarlaıdy QazAqparat tilshisi.
«Almatylyq oqýshylar úshin jazǵy mektepti 15-17 tamyz aralaǵynda uıymdastyrýdy josparlap otyrmyz. Árıne, qaladaǵy epıdemıologııalyq ahýal turaqty bolsa. Barlyq sanıtarlyq talaptar tolyqtaı saqtalady. Qosymsha aqparatty ýaqyt jaqyndaǵanda taǵy habarlaıtyn bolamyz»,– dedi Gúlnár Ermekbaeva.
Jazǵy mektepte oqýshylar tórtinshi toqsannyń materıaldary boıynsha qosymsha bilim ala alady. Biraq ol ár oqýshynyń óz qalaýy.
