Almatyda IV respýblıkalyq
ALMATY. 5 tamyz. QazAqparat /Erlik Erjanuly/ - Almatyda tamyzdyń 16-18 kúnderi IV respýblıkalyq "Qalamger-Azamat" jas tilshiler forýmy ótedi.
"El eńsesi - Egemendik" degen taqyryppen ótetin bul shara bıyl Elbasynyń "Jastardy qoldaý jáne olarǵa qamqorlyq jasaý" saıasaty aıasynda Táýelsizdiktiń 20 jyldyǵyna oraılastyrylyp otyr. Ony QR Baılanys jáne aqparat mınıstrliginiń qoldaýymen "Zańǵar" shyǵarmashylyq birlestigi uıymdastyrýda.
"Dástúrli jas tilshiler forýmyna respýblıkanyń túkpir-túkpirinen 100-den astam talapker qatysady. Sondaı-aq Qyrǵyzstan, Qytaı, Ózbekstan jáne Mońǵolııadaǵy qazaq jýrnalısteri qurmetti meıman retinde keledi. Aldaǵy jyly jas tilshilerdiń bul forýmy halyqaralyq deńgeıde ótpek", - deıdi "Zańǵar" shyǵarmashylyq birlestiginiń tóraǵasy Aıdar Qyryqbaı. Jalpy 2008 jyly Almatyda bastalyp elordada óz jalǵasyn tapqan bul shara "Astananyń 10 jyldyǵy", 2010 jyl "Táýelsiz urpaqtyń 20 jyldyǵy" dege atpen ótken bolatyn. A. Qyryqbaıdyń aıtýynsha, bıyl Almatyda ótetin 4-forým jumysy - Qazaq baspasóziniń damýy, Telebaǵdarlamalar men jańalyqtar sıýjetteriniń sapasy, Qazaq tilindegi ınternet resýrstarynyń damýy degen 3 baǵyt boıynsha júredi.
